1 СЕНТЯБР - ЖАҲОНГИР МУҲАММАД ТУҒИЛГАН КУН !

 














ҲАҚ СЎЗНИНГ ЁНИДАМИЗ!
 

Ўзбек халқининг жонкуяр фарзанди Жаҳонгир Муҳаммадни 1 сентябр – туғилган куни билан чин дилдан табриклаймиз!

Ҳақ сўз ҳамма вақт, ҳамма даврларда зулмнинг қатағони билан юзма-юз келган ва доим курашлар гирдобида яшаган. Бугун ҳам. Бу қатағоннинг оғирлиги эса ҳақ сўзни айтганларнинг елкасига тушган. Бугун устозимиз, сафдошимиз, таниқли сиёсат арбоби, тилшунос олим, ёзувчи ва журналист – Демократик Ўзбекистон Конгрессининг асосчиси Жаҳонгир Муҳаммадга диктатура режими 18 йилдан бери таъқиб этиши, йўқотишга уриниши ҳам бунга мисол. Диктатура режими Жаҳонгир Муҳаммаддан нега қўрқади?

Нусрат Раҳмат: Оқ каламушлар

Мардикор жувоннинг кундалиги

Қирмизи рангли (бунақасини биринчи бор кўришим) «Нексия» ҳайдовчиси кабинадан тушиши билан, бу ердаги таомилга кўра, бошқалар қатори Барно иккаламиз унга яқинлашдик, юзимизга табассум суртган бўлдик. Қирқ ёшлар чамасидаги, бўйчан, кўринишидан анчайин пухта, дилкаш бу одам нигоҳи билан бизни бир сидра пайпаслаб чиқди-ю, менга қараб, эски танишлардек яқинлашди.

- Машинага мин,- деди ярим буйруқ оҳангида «Нексия»си томон имларкан. - Сенбоп иш бор.
- Вой, биз икки киши,- дедим, Барно томон ишора қилиб.
- Бўбди, иккаланг ҳам мин,- деди, иккита эркак мардикор ҳам олиб келаман.

Жаҳонгир МУҲАММАД: ҚИЁМАТ КУНИ ( 6 )

Блогда ёзиб борилаётган тарихий-замонавий роман

-6-

Сулаймон тоғи. Ўш.

Саиджон Доно билан мактабда бирга ўқиган. Лекин шу қизга уйланаман, деб хаёлига ҳам келтирмаганди.

Бир куни дадаси׃

-Болам, мана университетни ҳам битираясан, энди бошингни икки қилмасак бўлмайди,-деб қолди.

Дадаси тарих ўқитувчиси эди ва тез-тез ўқувчиларни олиб Сулаймон тоғига бориб турарди.

Донони ўша ерда кўриб қолибди.

-Синфдошинг бор эди-ку, аълочи қиз, ҳамма мажлисларда шеър айтадиган, исми ҳам, ўзи ҳам Доно қиз. Шуни кўриб қолдим. Бошига ҳижоб олибди. Мингта гапирсанг, битта жавоб қилади. Суриштирдим, совчиси кўп экан. Агар отни қамчиламасак, кетиб қолади…

Анатомия нима дейди?

( Тана аъзолари ҳақида ноилмий ҳажвий монография)

Лаблар мақтаган таомнинг жабрини қорин тортади.
*        *    *
Айрим каллалар эгасини гадо, оёқлар эса миллионер қилади.
*        *      *
Синовчи бурнини, футболчи оёғини аяйди.
*     *     *
Соч ака, соқол эса укадир.Ёшликда инсонни акаси, қариганда укаси безайди.
*     *   *
Мастона сузилган кўзлардан қўрқинг.Улар эркакни алиментчига айлантириш хусусиятига эга.

Jahongir Muhammad shogirdining iqrori

Siz yozgan va yozayotgan asarlarni o´qir ekanman, ko´pchilik etirof etganday maqtovlar aytsam balki meni xushomadgo´ylik qilayapti deb malomat qilishlari mumkin.
Lekin tillo balchiq ichida ham yarqirab turadi deyishgandek yaxshi asarlaringizni o´qigan har qanday raqobatchi yo muxolifingiz tan bersa mardlik qilgan bo´lardi.Men siz taniydigan shogirdlaringizdan biriman.Lekin men sizni ko´p marta behuda ko´nglingizni ogritdim.

Замондошлар ижодидан

Ўриндиқ

Маъюс кезар ғамгин куз,
Кўлнинг суви тип-тиниқ.
Хиёбон ичра ёлғиз,
Хаёл сурар ўриндиқ.

Мажнунтолнинг барглари,
Бошидан зар тўкади.
Бағридаги сирлари,
Дил тубига чўкади.

Эслаш қийнайди гоҳи,
Хотира – дилдаги чўғ.
Кўп кечмишлар гувоҳи,
Айтай деса тили йўқ.

Жаҳонгир МУҲАММАД: ҚИЁМАТ КУНИ ( 5 )

Блогда ёзиб борилаётган тарихий-замонавий роман


-5-


Пенсилвания штати. Питтесбург шаҳри.

“Қиёмат куни” қаҳрамонига!

Саиджон, сизни ҳали яхши танимайман. Лекин таний бошладим. Шунинг учун ҳам ҳеч кимга айта олмаётган гапимни тезроқ сизга айтмоқчиман.  Чунки сизни ҳам бутунлай таниб қолсам, фикримдан қайтишим мумкин.

Мен Месхет туркиман. Фарғонада уйимиз бор эди. Уйимизни кўзимнинг олдида ёқиб юборишган ва ўлгудек қилиб калтаклашган. Беҳуш бўлиб қолганимдан кейин ташлаб кетишган. Мен ўзимга келганимда учқичда қаёққадир олиб кетишаётган эди. Ўшанда  хаёлимга илк келган нарса ёнимдаги дўхтир агар ўзбек бўлса, уни ўлдириш эди. Урус экан.  Аммо ўзбек бўлганда ҳам уни ўлдиришни эплолмас эканман. Чунки икки қўлим ҳам синдирилган экан.

Россияда энг кўп пул топадиган муҳожирлар - ўзбекистонликлар, аммо уларнинг сони ноаниқ

Россиядаги меҳнат муҳожирлари уйларига юбораётган пул-маблағлар миқдори сезиларли даражада ошган. Россия Марказий Банкига кўра, шу йилнинг иккинчи чорагида ўсиш 42 фоизни ташкил этган. Бу Россия охирги 15 йилдаги энг ёмон иқтисодий инқироздан чиқиб олганининг муҳим белгиси сифатида кўрилмоқда.

Россияда энг кўп пул ишлаётган меҳнат муҳожирлари - ўзбекистонликлар. Ўзбек мигрантлари жорий йилнинг иккинчи чорагида уйларига юборган пуллар 636 миллион долларни ташкил этган.

Ўзбекистон учинчи йилдирки, Россиядаги мигрантлар ишлаётган пул-маблағлар бўйича биринчи ўринни эгаллаб келади. Норасмий рақамларга кўра, меҳнат муҳожирларининг даромадлари Ўзбекистон ялпи ички маҳсулотининг 10 фоизига тенг.

Жаҳонгир МУҲАММАД: ҚИЁМАТ КУНИ ( 4 )

Блогда ёзиб борилаётган тарихий-замонавий роман

-4-

Мериланд штати. Эликот шаҳри

Саиджоннинг фиғони фалакда. Буни телефонни қулоғимдан узоқроқда тутиб турганимдан ҳам билиш мумкин. Лекин “ҳужумларим” оз-моз иш бермоқда. Фалакдаги фиғон баъзан “ерга тушиб” ҳам қолмоқда. Афсуски, кўпга эмас, доимийга эмас.

-Ака, Ўзбекистон ҳукумати тезлик билан  армиясини киритиб,  Қирғизистонда ҳокимиятни қўлга олиши керак. Бошқа йўли йўқ. Бўлмаса, Каримов бутун ўзбеклар олдида хоинлик қилган бўлади…

Хоинлик нима ўзи?

Бағри қон Фарғона

Она Фарғонам, онажоним, нега йиғлаяпсан, нега инграяпсан, нега титраяпсан? Мусибат қаердан кела қолди, уни ким олиб келди? Ана шу хунрезликни, биродаркушликни бошлаб берган, тинчингни ўғирлаган, сени қон қақшатган ким ўзи? Меҳр-муҳаббатнинг, қон-қардошликниг юзига оёқ қўйган, ўзига ёзилган дастурхонга оёқ узатган, бошимизга ғам тошини отаётган юзи қора ким ўзи? Наҳотки, сенинг сувингни, ҳавонгни, меҳрингни ичиб улғайганлар орасида шундай бетавфиқлар бор бўлса?!

Бутун Фарғонанинг азадор ҳовлига ўхшаб қолганига чидолмай ҳайқиргим келяпти Бу аламли нидо томоғимга тиқилиб-тиқилиб, бутун вужудимни аёвсиз оғритгани билан, нега овозимни чиқара олмаяпман? Гапириш навбати келганда тилим лол бўлиб, кўзларим ёшга тўляпти. 

Жаноб Каримов ўзингизни оқланг!

Ўзбекистоннинг буюк, қаҳрамон шоири Юсуф ЖУМА  шахсан Ислом Каримовнинг буйруғи билан Жаслиқ зиндонида ҳар куни қийноқларга солинмоқда, аҳволи кундан кунга оғирлашмоқда.  Бу хулоса ёлғон бўлса, Ислом Каримов миллатнинг виждонини тутқунликдан озод этиб, ўзини оқлаши керак! Акс ҳолда бутун нафратлар унгадир!

Биз тубанда имзо қўйувчилар шуни талаб қиламиз:

1. Жаҳонгир Муҳаммад
2.Ризо Обид
3. Бобир Холиқназар
4.Ғолиб Мирзаев
5.Рашид Латипов
6.Олияхон Аббосова 

7.Ҳамид Ҳамроев
8.Шоира Қозоқова
9.Баҳодир Шодиев
10.Кимёхон Шодиева
11.Гули Аҳмедова
12.Абдулла Асқаров
13.Улуғбек Мусаев
14.Шарифжон  Жалолов
15.Алишер Давлатов
16.Бахтиёр Ҳамро
17.Сиддиқ Раззоқов
18.Исмоил Дадажонов
19. Фахриддин Солиев
20. Тоғбой Абдураззоқ
21.Илҳом Неъматжонов
22.Насрулло Саййид
23.Баҳора Олим
24.Саиджаҳон Равоний
25.Шуҳрат Аҳмаджонов
26.Улуғбек Ҳайдаров
27.Шамсиддин Тўйчиев

Жаҳонгир МУҲАММАД: ҚИЁМАТ КУНИ (3)

Блогда ёзиб борилаётган тарихий-замонавий роман

-3-

Бруклин. Океан шоҳ кўчаси.

-Қимирлама, отаман!

Зарб билан эшикни синдириб ичкарига кириб келаётган саноқсиз полиция ходимларининг ҳар бири ана шундай деб бақирар эди.

Энди ўртага қўйилган паловга қўл узатган йигитларнинг ранг-қутлари учиб кетди. Лаблари титраб, бир сўз айтолмай қолдилар. Полициячилар эса уларнинг ҳар бирини силтаб, юзи билан ерга ётқизар ва қўлларини орқага қилиб кишанлар, кейин оёқларини икки томонга очиб, бошдан оёқ текшириб чиқарди.

Бир зумда 9 нафар ўзбекнинг ҳаммаси ана шундай тинтувдан ўтди.

Бўлиниш нимадан бошланган?

Ҳаёт ғайритабиий ходисаларга бой. В. Вернадский: «Чинакам илмий иш ҳар қалай умумий хулоса эмас, балки тажриба, таҳлил, мезон, янги фактдир», деб таъкидлаган бўлса, сталинча тарихшунослик эса масалани осонликча ҳал қилади. Яъни, фактларни улоқтириб, таҳлилни имкон борича соддалаштиради, аниқроғи, уни атайлаб «ўзгармас», сохта ақида билан алмаштиради. Кейинчалик «умумий хулосалаш» доираси кенгайиб боради, ақидалар бир оз «юмшайди». Ҳақиқий, ҳаётий тарихий материал тайёр қолипга солинаверади, қолипга сиғмаган нарса ҳақида лом-мим демай кетаверилади…

Ғояни синдириб бўлмайди...

Теша тегмаган гаплар

Айримлар оч қоринга ўйлай олмайди, қорни тўйгач эса ўйлагиси келмайди.
*   *  *
Одам қанча дангаса бўлса, қилаётган иши унга жасоратдек туюлади.
*  *  *
Агар бирор кишида ўз фикри бўлмаса, демак, кимдадир у иккита.
*     *   *
Ҳар қандай ишнинг ҳам ниҳояси бор.Аммо ялқовлик билан истаганча шуғулланиш мумкин.
*     *    *
Содда ва гўл киши олдида ҳамиша маккор одам ўралашиб юради.

ЖАҲОНГИР МУҲАММАД: “ ЎШ ҚАРТАСИ”

Сиёсатшунос Жаҳонгир Муҳаммаднинг Қирғизистон қирғини ва Туркистон келажаги борасида “Озод Осиё” радиоси саволларига жавоблари


МУХБИР׃ Қирғизистондаги воқеаларга қандай сабаблар омил бўлган деб биласиз?

ЖАҲОНГИР МУҲАММАД׃ Аввало шуни айтиш керакки, воқеаларнинг бевосита иштирокчиси бўлиш бошқа ва воқеалар ҳақида билвосита манбаларга таяниб хулоса қилиш бошқа. Бизнинг хулосаларимиз иккинчи ҳолга яқин бўлгани учун ҳам субъектив характерга эга бўлади.

Айни пайтда Каримов каби битта нарсани кўрсатиб, сабаб мана шу деб туриб олиш-яъни айбни кўринмас ”учинчи куч”га юклаб қўйиш- бу туллак сиёсатнинг иши.

Нусрат Раҳмат: Миллий масала - ор-номус масаласидир Тарихчи-профессор Гога ҲИДОЯТОВГА

Ҳурматли Гога Аброрович! Сизнинг “ЦентрАзия”да шу йилнинг 7 июнида чоп этилган “Казахская история в кривом зеркале лжеисториков” сарлавҳали мақолангизни ўқиб, юрагимда надомат, нохушлик, хавотир ва ноўнғайлик пайдо бўлди, Айниқса қозоқ дўстлар, қариндошлар олдидаги ноўнғайлик баридан ошиб тушди. Бутун бир халқ, миллат ҳақида шундай туҳматларни тўқиш на шарқона одобга ва на инсофга тўғри келмайди.

Мен тушунмадим: бу халқнинг тарихини қайтадан бузиб ёзиш сизга нима учун керак бўлиб қолди? Бу билан нимани исботламоқчи бўлдингиз?! Миллий масала – ор-номус масаласи. Бундан пайтда, ҳатто ҳақиқатни ҳам ялтироқ қоғозга ўраб беришга тўғри келади.

Жаҳонгир МУҲАММАД: "ҚИЁМАТ КУНИ" (2) Блогда ёзиб борилаётган тарихий-замонавий роман

-2-

Мериланд штати. Эликот шаҳри.

Лекин…

Бундан кейинги бўлимларгача, Каримовни ўз хаёллари билан ёлғиз қолдирамиз. Кекса одам. Баъзи нарсалар эсидан чиққан бўлиши мумкин. Қолаверса, шу лаҳзада Нью Йоркдан Саиджон деган йигит сим қоқмоқда. Саиджон асли ўшлик. У билан тўрт йил олдин танишганмиз.

Ўшанда ярим тунда телефон жиринглади׃

-Бу қўлга тушган чет элликларни сақлаш маркази, агар телефон чақириғини қабул қилсангиз, минутига тўрт доллар тўлашингиз керак бўлади…

МХХчиларга таклиф

Ўзбек мухолифати туғилиши биланоқ унинг ичига МХХ аралашгани иддаоси кўп йиллардан буён илгари сурилади.Аввалига мухолифатчилар эмас, унинг ўзларича бошлари бир- бирларини МХХга  сотилганликларини исботлашга урина бошладилар ва бу ҳолат ҳозиргача давом этмоқда.

Ҳозирги шу кунларга келиб эса мухолифатчиман, инсон ҳақлари ҳимоячисиман , мустақил журналистман ва ҳакозо деганларнинг бирортаси қолмадики ундайларга МХХ агенти ёрлиғи ёпиштирилмаган бўлса.

'Қирғизистонни тарк этган 20 минг ўзбекнинг аксари қонли ҳодисалар ташкилотчилари'

Июн ойидаги хунрезликлардан кейин ташкил этилган комиссия фаолияти танқид этилгани ортидан Бишкекда уюштирилган матбуот анжуманида комиссия раҳбарлари ҳисобот берганлар.

Бир кун илгари "Қирғизистон жанубидаги ҳодисалар сабаблари, оқибатларини ўрганиш, тавсиялар ишлаб чиқиш бўйича Миллий комиссия"нинг аъзоси, сиёсий таҳлилчи Александр Князев бу комиссия таркибидан чиқишини эълон қилганди.

Жаҳонгир МУҲАММАД: "ҚИЁМАТ КУНИ" (1)

 Ҳақиқатнинг юзи

Ҳақиқатнинг ҳам, ноҳақликнинг ҳам юзи бўлади.Аммо ҳамма нарсанинг ҳам ўз сир- синоати бўлгани каби ҳақиқатнинг ҳам очилиши керак бўлган парда ортида яширинган юзи ҳам бор.Маълумки   ҳақиқатни  исбот қилиш учун эса унинг юз пардасини очиш керак бўлади.Бу каби сермашаққат ва мушкул вазифани уддалашни ҳар ким ҳам эплай олмайди , таъбир жоиз бўлса ҳар кимда ҳам жасорат ва матонат етишмайди.

Таниқли сиёсат арбоби ва адиб Жаҳонгир Муҳаммаднинг эса чинакам иждкорга хос қаҳрамонона довюраклик билан битилган қатор ҳужжатли, илмий, бадиий асарларини ўқишга муяссар бўлганмиз.

Барак Обама Нью-Йоркдаги масжид ғоясини қўллаб-қувватлади

АҚШ Президенти Барак Обама Нью-Йоркдаги 2001 йил ҳужумларига нишон бўлган ҳудуд яқинида маданий марказ ва масжид қуришга оид баҳсли режани қўллаб-қувватлаган.
Муқаддас Рамазон ойи муносабати билан Оқ Уйда берилган зиёфатда гапирган Президент Обама мусулмонлар бошқа америкаликлар каби диний эркинликларга эга эканини айтган.
2001 йил ҳужумларида қулаган эгизак миноралар жойига яқин бинолардан бирида масжид барпо этиш лойиҳасининг мухолифлари буни 11 сентябр қурбонлари хотирасига ҳурматсизлик эканини даъво қиладилар.