Ҳазратқул Худойберди

Самад Мурод деган бир Диктатор малайи бир ўқ билан ўзининг 3 қуёнини отиб қўйди

Бугун www.yangidunyo.com сайтида Диктатор малайларидан бири Самад Мурод деган кимса"Эрк"партияси номидан бир чиқиш қилибди. (http://yangidunyo.com/?p=11259#more-11259  )
Унинг муттаҳамлигини нафақат Ўзбекистон Демократик Мухолифати кучлари балки эсини таниган ҳар бир ўзбекистонлик билади. Чунки бу Малла малай (унинг асл фамилияси Маллаев) аллақачон ўзини фош қилиб бўлган - худди Михаил Ардзинов, Сўхроб Исмоилов, Васила Иноятова, Абдурахим Пўлатов каби малайлар ўзларини Диктатор Каримов тузумининг содиқ хизматкорлари эканликларини фош қилганликлари каби.

Дилмурод САЙЙИД туғилган кун

Суратда:Шоир рафиқаси ва қизи

Золимнинг зиндонида яна бир туғилган кунини қаршилаган истеъдодли адибга тилагимиз׃ Келаси йил туғилган кунингизни озодликда нишонланг!
Шоирнинг ҳолини шоирнинг ўзи билар:


Тириклай ўлдирди ёлғончи очун,
Тириклай сўйдилар маккор ошналар.
Тириклай кафанлаб кўмдилар у кун,
Тирикнинг қонига ўчлар – ташналар.
Зорларим кутдилар, менда зор йўқдир,
Менда исён яшар, яшар интиқом.
Кўзларим бепарво, юрагим чўғдир.

Президент маҳкамаси ходимлари – улар кимлар?

	Президент маҳкамаси ходими Илхом Аминов карикатураси

28.04.10 21:45

Uznews.net – Ўзбекистон президент маҳкамаси ходими, бундан ташқари, пияниста ва муштумзўр Илхом Аминов, ўз қизини ўлдиришини айтиб, хотнинига даҳдаға қилиб уни уч хонали уйидан ва автомошинасидан воз кечишга мажбур қилди, кейин эса квартирани ҳам тортиб олди.

30 апрел - Қиролича туғилган кун

Холландда мана бу йил Қиролликни узлуксиз Қиролича хонимлар сулоласи бошқара бошлаганига 120 йил бўлди.

Ҳар йили 30 апрел Холландда "Қирол куни" номидаги мамлакат миқёсидаги ғоят катта тантанали байрам бўлиб ўтади.

Бу кун қиролича Беатрикс ( Beatrix Wilhelmina Armgard ) онаси Юлиана (Juliana Louise Emma Marie Wilhelmina ) туғилган кун.Қиролича хоним шу муносабат билан бутун Холланд бўйлаб сайру саёҳатда айланиб юриб одамлар ҳузурида бўлади.Уни шу куни энг кичик қишлоқда ҳам, энг йирик шаҳарда ҳам учратишингиз мумкин.

Жаҳонгир МУҲАММАД: Туронзамин фарёдлари

7.ФИҒОН

Британия бош вазири унолгични ўчиришни фаромуш қилди ва...

Шайх Обидхон қори

Сигаретдан қутула олмаётган одам учун маслаҳат

Савол: Мен Австралияда яшайман. Шу ерда турмушга чиққанман ва алҳамдулиллаҳ, бахтлиман. Бизни дадам шу ерга чақирган. Менинг дадам жуда яхши одам, лекин у жуда кўп сигарет чекади. Ҳатто дадамда йўтал ҳам пайдо бўлди. Ҳар сафар кўрганимда дадамга: “Сигарет ҳаром, уни сизга катта зарари бор”, дейман. Лекин барибир ташламаяпти. Сигаретнинг қанчалик зарарлигини дадам ҳам билади, лекин ташлай олмаяпти. Дадам сигаретни ташлаши учун нима қилсак бўлади? Илтимос, менга маслаҳат беринглар.

Ҳилола.

Васила Иноятова кимга хизмат қилмоқда?

 «Бирлик» партиясининг бош котиби Васила Иноятова кимга хизмат килади: мухолифатгами ёки Ислом Каримов хукуматигами? 

Якинда содир булган бир вокеадан кейин мен ва фаргоналик бошка инсон хукуклари химоячилари: «Шубхасиз, Васила Иноятова хукуматга, диктатурага хизмат килади!» - деб жавоб берадиган булдик.

2005 йил 29 май куни биз, «Эзгулик» инсон хукуклари жамиятининг фаргоналик аъзолари, ушбу жамият рахбари, «Бирлик» партияси бош котиби Васила Иноятованинг таклифига кура, «Бирлик» партияси ташкиллаштираётган пикетда катнашиш максадида Тошкентга бордик.

Андижонга қайтган қочқин аёл қийноқларга тутилмоқда

Дилором Абдуқодирова Ўзбекистон Олий судида ҳукумат кучлари намойишчиларга ўт очгани ҳақида кўрсатма берган Маҳбуба Зокированинг опасиАвстралиядан Андижонга қайтиб борган қочқин аёл Дилором Абдуқодирова қийноқларга тутилган. Унинг бугун давом этган маҳкама ишида иштирок этган қариндошларига кўра, унинг юзлари кўкариб, шишиб кетган ва аҳволи жуда ёмон. "У нима деяётганини ўзи билмайди" - дейди унинг синглиси.

Дилором Абдуқодирова конституцион тузумга тажовуз қилиш ва Ўзбекистонга ноқонуний киришда айбланмоқда.

Нусрат РАҲМАТ

Абдулла Қодирий “Ўтган кунлар” ни шу кеча кндузда ёзса, унинг муҳокамаси тахминан қуйидагича бўларди.

ЁЗУВЧИ. Инимиз Абдулла Қодирий яхши ният билан роман ёзибдилар. Аммо, роман қоралаш учун ниятнинг ўзи кифоя эмас, албатта. Ўзим ҳам роман ёзганча қанча ҳикоя, қиссалар эълон қилганман. Чехов бир умр роман ёзишни орз қилган, лекин ёзолмаган. Ман гапни чўзиб ўтирмайман. Тан оламан: қўлёзмани тўла ўқиб чиққаним йўқ, аммо бодрингнинг тахирлигини билиш учун уни ҳаммасини еб кўриш шарт ҳам эмас. (Залда кулгилар).

ИНТЕРНЕТ БАНГИСИ

Муҳаррирдан хат олдим. Ўқувчилардан бири мен ёзган сатираларда ақлли гаплар ҳам бўлсин, деган талаб қўйганмиш. Яхши гап. Ўқувчининг айтгани муаллим учун қонун деган замонга келиб қолдик. Бундан кейин ёзганларимни ақлли гаплар билан бошлайман. Мана бундай׃

Сувли ерда ўсаётган “эркатой” шоли лалмида қаддини тик тутган буғдойга ҳавас қилди. Буғдой бўлгиси келди. Кўкка талпина бошлади. Талпинаверди, талпинаверди… Лекин бир кун шамол туриши билан йиқилиб қолди. Қаддини тиклай олмай ётаверди.Чунки таги балчиқ эди…

Ёдгор ОБИД

Баъзан мен кўзингга қарасам...

Баъзан мен кўзингга қарасам -
Сергаклик, сесканиш сезаман.
Нотаниш бу ҳадик, бу алам -
Гирдоби ичида сузаман.

Сузаман. Кезаман. Ёнаман.
Сукутлар. Садолар. Саволлар.
Саргардон савдолар... Тонаман
Топаман ҳаяллаб. Ҳаёллар -

Булутлар бағрига гул экар.
Гулзорга айланган булутлар -
Нигоҳинг боғлайдир. Шу етар.
Қўшиққа айланар сукутлар.

Абдурайим ва Соли ҳақида янги латифалар

АҚШнинг узоқ вилоятларидан биридаги сокин  руҳий шифохонада  бирликчи Абдурайимдан сўрашди:

- Сиз бутун мухолифатнинг боши менман, фақат ёлғиз ўзим даҳоман деган даъвони нимага асосланиб айтяпсиз?

- Эркчи Соливой  айтди.

Қўшни палатадан овоз келди.

- Ёлғон, у алдаяпти.Мен ҳеч қачон унга шундайсан демаганман.

Тошкент 1966 - 2009

Бақиев ҳақида янги қўшиқ пайдо бўлди

Ёмонлик жазосиз қолмайди

Насиба  ДАВЛАТ қизи

Ёмонлик жазосиз қолмайди. Ҳолбуки, бу иллатга эга бўлишнинг ўзиёқ - энг биринчи жазо. Боэций 

Ўз нафсининг қулига айланган ва ўткинчи ҳою-ҳавасга берилган одамдан-да ёмонроғини топиб бўлмайди. Чунки улар бошқаларга ёмонлик соғиниш орқали ўз-ўзига ёмонлик қилиб яшашади. Америкалик файласуф олим Франклиннинг Бритон хонимга йўллаган мактубидаги қуйидаги парча фикримизни исботлайди.

"... Ёшим еттида эди. Байрамларнинг бирида ўртоқларим менга бир ҳовуч чақа совға қилишди. Мен ўша заҳоти ўйинчоқлар дўконига равона бўлдим. Йўлда кетаётганимда бир боланинг қўлидаги ҳуштакнинг садоси ҳушимни ўғирлади ва дўконга кириб бор пулимга ҳуштак сотиб олдим. Кейин уйга қайтдим-да, севинчим ичимга сиғмай қулоқни қоматга келтириб ҳуштак чала бошладим.

Одил Нажмиддин: Қалб касалликлари ва мунофиқлик

Қалб касалликлари

Бизни исломга хидоят килган, Қуръонни таълим берган, уни калбларга нур
ва хидоят хамда турли иллатларга шифо килган Аллохга хамдлар бўлсин!
Берган неъматлари ва килган яхшиликлари учун Унга хамдлар айтамиз,
шукрлар киламиз.

Гувохлик бераманки, шериксиз яккаю-ягона бўлган Аллохдан ўзга хак
маъбуд йўк, барча мулк Уники, хамдлар ёлгиз Унга хосдир. У хамма нарсага
кодирдир. Гувохлик бераманки, Мухаммад алайхис-салоту вас-салом Унинг
бандаси, элчиси ва халки орасидан танлаб олиб вахийсини ишониб
топширган пайгамбаридир.

Ярослав Качинский президент бўлмоқчи

Смоленск яқинидаги авиаҳалокатда нобуд бўлган Полша президенти Леҳ Качинскийнинг акаси Ярослав Качинский Полшада муддатидан аввал ўтказиладиган президент сайловига ўз номзодини қўйишини эълон қилди.

Собиқ Бош вазир ва мухолифатдаги йирик “Ҳуқуқ ва адолат” партияси раҳбари Ярослав Качинский бу борада эълон қилган баёнотида, “Полша президенти ва юқори мартабали расмийларнинг ўлими, улар бошлаган ишни давом эттиришимиз лозимлигини англатади”, дея билдирган.

Абдурайим Пўлат ва Ислом Каримнинг эгизак касофат куни

Тарих олдиндан орқага юрмоқда. Яъни бугундан эртага эмас, бугундан кечага.

26 Апрел… Бу кун тарих саҳифаларига касофат куни сифатида кирган.

2010 йилнинг 26 Апрели… Рус матбуотида “Исломнинг қизи” деган хабар босилди. Унда айтилишича, Гулнора Каримова Нобел мукофотига номзод сифатида кўрсатилганмиш. Отаси Андижонни тинчитгани учун қизига Тинчлик мукофоти! Андижон қатлиомининг беш йиллиги олдидан!

1986 йилнинг 26 Апрели… Чернобил атом станцияси портлади. Кўк билан бирга миллионлаб инсонларнинг ҳаёти қорайди. Ҳалига қадар асорати давом этмоқда.

Жаҳонгир МАМАТОВ: АМИР ОЛИМХОН ХОНАДОНИДА ТЎЙ

Бу йил қиш оғир келди. Муз остидан чучмомолар аранг бош кўтарган каби одамлар ҳам баҳорда тизза бўйи қор кечиб чарчоқ кўрпасига ёпингандилар. Шундай кезда бу ҳолатнинг ҳамма нарсага таъсири бўлади. Ҳатто тўйга ҳам. Рақсга тушаётган қизларнинг Америкага хос бўлмаган ҳолда баҳорни акс эттирган кўйлаклар кийганлари, соқоли сабза урмаган ўсмирлар ҳам куёвларга қиёсан костюмларига гул тақиб олганлари, кекса момолар эса бошларига қалин рўмол эмас, балки ҳарир матолар ташлаганлари… хуллас , ҳаммаси диллар баҳорга ташналигидан дарак эди.

Бақиевнинг учта хотини борми?

"Азаттиқ" радиосининг қирғиз хизмати хабарига кўра Қирғизистон Президентлигидан воз кечмаслигини таъкидлаётган Қурмонбек Бақиевнинг учта хотини борлиги ҳақида айтилади.Гап шундаки Қурманбек Бақиев Беларусга Максим ва Марат исмли ўғилларининг онаси Татьяна Бақиева эмас бошқа оиласи билан келган, дейилади радио хабарида.

Жаҳонгир МУҲАММАД

ҚАРАШЛАР

УЧ НУҚТА

Дунёнинг таянч нуқтасини топиб берсанг, уни чаппа қиламан, деган экан қадимги олимлардан бири.
Инсон маънавиятининг таянч нуқтаси борми? Бор дегувчилар топилади.
“Социализм даврида унинг маънавиятини чаппа қилишди-ку!” дейди улар. Чаппа қилишга етмиш йил уринишди. Тебратишди, эсанкиратишди, бироқ бутунлай чаппа қилишолмади. Ёзувимизда кўп нуқта, яъни уч нуқта ишлатамиз.
Айтолмаган гапимиз: …

Феликс Қулов билан Қирғизистондаги сиёсий аҳвол муҳокамаси

Шайх Обидхон қори

Тиловат учун пул олиш жоиз эмас

Савол: Мен уйимдан ўзга юртда тураман, унда-бунда уйимга молиявий ёрдам юбориб тураман. Менинг уйимдагилар ҳар 2-3 ойда мавлуд ёки хатми Қуръон қилиб туришади. Сиздан илтимос, менга мавлуд ва хатми Қуръон ҳақида маълумот берсангиз. Мавлуд деган нарса ўзи динда борми ёки бу бидъатми? Хатми Қуръонни унинг учун харажатлар қилиб, дастурхон ёзиб, 10-20та одамларни чақириб, алоҳида кунни ажратиб қилиш керакми? Илтимос, бафуржа тушунтириб беринг. Аллоҳ сиздан ва дини учун қайғуриб юрган ҳамма инсонлардан рози бўлсин. Мусофир бўлиб юрган ҳамма диндорларни Аллоҳнинг Ўзи асрасин. Олдиндан катта раҳмат.

Муҳсина.

ШУКР

Юлдузларга боққан чоғимда,
Кўзларимни боғлади уйқу.
Туш кўряпман, кўнгил боғимда
Чечак экан ҳар битта туйғу:

Меҳр – райҳон, шафқат – бинафша,
Ишқ – қизғалдоқ, вафо – атиргул.
Бари-бари турибди қақшаб,
Япроқлари қовжираб буткул.

Умид, ишонч, эътиқод, сабр,
Мурувват ҳам забун бир чечак.

Жаҳонгир МУҲАММАД

ҚАРАШЛАР

 БИЗ

Ўғизхон юртини ёғий ўради. Тинчлик, осойишни истаган Ўғизхон сулҳ истади.

Душман ундан Ғиротни, дул-дулни сўради. У рози бўлди. Беклар ташвишда қолдилар.
Сўнг душман ундан суюкли ёрини сўради. У рози бўлди. Беклар ғазабга тўлдилар.
Сўнг душман ундан ерини, юртини сўради. Беклар индамадилар. У ҳам ташвиш, ҳам ғазаб билан жангга кирди. Ғолиб чиқиб отини ҳам, номусини ҳам сақлаб қолди.

Cаттаров Абдуқодир Нурмуҳаммад ўғли

     ТАРВУЗНИНГ ХОСИЯТЛАРИ

     Тарвузким  ёз ойи жонга халоват,
     Чанқаган одамга беради рохат.
     Ўзининг хўл совуқ мижози билан
     Танани совутар, сўнар харорат.

 Тарвуз қовоқгулдошлар оиласига мансуб бир йиллик ўсимлик бўлиб, ер юзида кўп етиштириладиган полиз махсулотларидан биридир.

Тарвузнинг хураки, хашаки ва ёввойи турлари бор.Тарвуз Европа,Акш, Япония, Хитой, Хиндистонда кенг таркалган. Асосан Волгабўйи, Ғарбий Кавказ, Украинанинг жануби,Молдавия, Жанубий-Шарқий Қозогистон ва айниқса Ўрта Осиё республикасида кўплаб экилади.

Абдурайим Пўлатов нима экди?

Йилларим ва йўлларим

48.Биз барпо қилган боғ

1990 йиллар ҳақиқатан ҳам кимнинг қандай қобилияти бўлса уни намоён этиш учун имконият йиллари бўлганди.Айримлар ўша пайтлар сиёсатнинг "с" ҳарфини тушунмасаларда, ўзларини "доҳий" дея ҳис қилиб, бошқа республикаларда тузилган фирқалар низомидан тайёр андозалар олиб, фирқа тузган ҳам бўлишди.Албатта асоси бўш бўлган ҳар қандай нарса узоқ турмайди, тез емирилади, таъбир жоиз бўлса тўкилади.Худди шундай кўчирма фирқалар мана бугун гувоҳи бўлиб турганимиздек чет элларда сувоғи кўчган чўчқахонага ўхшаб ётибди.

Жаҳонгир МУҲАММАД

ҚАРАШЛАР

ОШКОРАЛИК

Мактабда ўқиганимда “Аввал иқтисод, кейин сиёсат” деган ленинча “доно” гапга эътироз билдириб, ёмонотлиқ бўлгандим.
Дорилфунуннинг биринчи дарсидаёқ “Аввал сиёсат, кейин иқтисод” деб қўйганим учун бир йил қарз топшириб юрганман.
Ошкоралик нима ва унинг бу гапларга қандай дахли бор?
Ошкоралик – онгдаги зангни ювувчи зилол сув.
Ошкоралик – одамни манқуртлик хасталигидан асровчи дармон.
Ошкоралик – одамнинг эрки, ҳуқуқини таъминловчи дарслик.

Халқ табиби тавсиялари

СЕДАНАНИНГ ФОЙДА ВА ЗАРАРЛАРИ

САТТАРОВ АБДУҚОДИР НУРМУҲАММАД  ўғли,
“МАЛҲАМ” халқ табобат маркази раҳбари, ҳалқ табиби.

Тожик тилида сиёҳдона, араб тилида шунуз, рус тилида чернушка деб аталувчи седанани билмаган инсон бўлмаса керак:
Сиёҳдона қуруқ-иссиқ мижози,
Туйилса-ю совун бўлса ҳам рози.
Юзларига суртилса чиройли қилар,
Доғларни йўқотар, даволар сози!
Седана деганда тандирдан эндигина узилган седанали нон кўз олдингизга келади. Седанали нон ёпиш қадимдан одат. Седана ёпилган нон деярли моғорламайди, турли ҳидларни ўзига дарров олмайди. Шу боисдан бўлса керак, седанага эътиқод қўйиб, уни «кулча холи» деб аташади.

Бесоқолбоз руҳоний қурбони Рим папасини судга берди

Ўзбекистонда одил судлов?

Суратда:А.Пўлат

Абдураим Пўлатовнинг майнавозчиликдан иборат бўлган “Баракатсиз

Ҳаракат” сайти 22 апрел куни биттаа “хабар” ўқидим.


“08:45 - Ҳуқуқ ҳимоячилигига даъво қилаётган гуруҳ “Эзгулик”нинг

устидан арз билан Тошкент шаҳар судига мурожаат қилди


Шу йил 8 апрелдаги хабарларимизда ўзларини ҳуқуқ ҳимоячилари деб

ҳисобловчи Виктория Баженова, Татъяна Давлетова, Людмила Кутеповалар

ҳамда Константин Степанов сингари шахсларнинг фуқаролик ишлари бўйича

Шайхонтоҳур тумани судига берган даъвоси қаноатлантирилмагани хусусида

ёзгандик.

Жаҳонгир МУҲАММАД: Ватан мансиз, ман ватансиз

ҚАРАШЛАР
 

СИЁСАТ

Цезар ва Клеопатра кунларидан бошлаб сиёсатни фоҳишага ўхшатадилар.
Фоҳишанинг ўз эҳтиёжи бор.
Биринчиси – иқтисодий эҳтиёж.
Иккинчиси – жисмой эҳтиёж.
Учинчиси – маънавий эҳтиёж.
Фоҳиша кимнинг пули, бойлиги кўп бўлса, аввал ўшанинг тўшагига ётишни истайди. Фоҳиша ким кучли, бақувват бўлса, у билан тонг оттиришни истайди. Фоҳишанинг ҳам қалби бор. Унинг қалби ширинсухан, ақлли, идрокли кишиларга талпинади.

Аччиқ - аммо очиқ гап

"Bularning qaysi gapiga ishonsa bo'ladi?"ni o'qib ozroq o'z munosabatimni aytmoqchiman

Ismat Xushev, Xoldor Vulqon singarilar hamma zamon va davrlarda bo'lgan, bundan keyin ham bo'ladilar.Bu erda ularning ikkisi misol keltirilibdiyu, aslida o'zbek jamiyatida bunday har maqomga yo'rgalaydigan kimsalar ayniqsa hozirgi davrda ko'payib ketgan.
Ular bugun undoq, ertaga undoq deyishdan hech uyalmaydilar.Ularning asli tabiati shunaqa yaralganlarda.

Оқил ким? Доно-чи?

Нодира ДАВЛАТ қизи

Олий бахт туйғуларда эмас, ақл-идрокда яширин. Шунинг учун ҳам инсондаги энг олий сифат - ақл-идрок. У ақл кучи билан ҳайвонотдан устун туради ва илоҳларга тенглашади.

Сенека

Дедилар:

-Ақл нима?

-Одам вужудининг "шоҳ"и.

-У қандай шоҳ?

-Дунёдаги энг оқил шоҳ.

- Қолганлар-чи?

Бакиев ўзининг ҳали ҳам Қирғизистон президенти эканини айтмоқда

Қурманбек Бакиев ҳеч қандай куч уни президентликдан тўхтатиб қололмаслигини айтмоқда 

Қурманбек Бакиев ўзининг ҳали ҳам Қирғизистоннинг ҳақиқий президенти эканини айтган.

Беларус пойтахти Минскда журналистларга гапирган жаноб Бакиев ўз истеъфосини тан олмаслиги ва фақат "ўлим уни тўхтата олишини"ни айтган.
"Мен Қурманбек Бакиев, Қирғизистоннинг қонуний сайланган ва халқаро ҳамжамият томонидан тан олинган президентиман"

ЯХШИЛИК ВА ЁМОНЛИК

Тинглаганим бўлди адо,

Бу замин ҳам берди садо.

Икки томон бўлган айро,

Яхшилик ва ёмонлик.

Кимлар бунга дош беролди,

Кимнинг эса қадди толди.

Ҳар не қилса қилар энди,

Яхшилик ва ёмонлик.

Кимдир юм-юм кўз ёш тўкди,

Кимдир бахтдан сармаст бўлди.

Қуёш кўкда, тупроқ ерда,

Бу фалак ҳам шуни билди.

Ҳаёт шундай аччиқ экан,

Яхши-ёмон бирга экан.

Ҳар куни бир таклифнома

Холланд мамлакати ўзи миттигина бўлсада унинг Ҳалқаро миқёсда ўтказаётган тадбирлари улкандир.Ҳар ҳафтада гоҳ у, гоҳ бу Ҳалқаро ташкилотлар ўтказаётган тадбирларда иштирок этиш учун  таклифномалар оламан.Лекин афсуски ҳаммасига ҳам қатнашиш учун менга ўхшаб бир жойда ишлайдиган одам эмас, бекорчи бўлсангиз ҳам вақт бўлавермайди.

Шу кунларда яна бир таклифнома олдим.У 3 май  - Халқаро Матбуот эркинлиги кунига бағишланган, дунёнинг турли бурчидан журналистлар учун Холланд пойтахти Амстердамда қатор Ҳалқаро ташкилотлар томонидан ўтказиладиган анжуман экан.

Каримов: қирғиз жараёнларининг одатийга айланиш хавфи бор

Президент Каримовга кўра, ўзининг расмий сафари Қирғизистон воқеаларига боғлиқ эмас.

Москвада Россия раҳбарлари билан учрашган Ўзбекистон Президенти Ислом Каримов Қирғизистондаги вазиятдан ташвишда эканини билдирган, аммо ўзининг Москвага сафари Қирғизистондаги воқеалар билан боғлиқ эмаслигини таъкидлаган.

Икки ҳафта аввал бошланган ва президент Қурманбек Бакиевнинг ағдарилишига олиб келган Қирғизистондаги воқеалар билан боғлиқ илк баёнотида Президент Каримов Қирғизистондаги ҳозирги воқеаларни 2005 йилдаги "Лола инқилоби"га қиёслаган ва ҳукуматларни ағдаришнинг доимий тус олаётганидан хавотир билдирган.

Жаҳонгир МУҲАММАД: Ватан мансиз, ман ватансиз

ЯХШИЛИК

“Яхшилик қил ташла денгизга, билса балиқ билар, билмаса Холиқ”, дейдилар.
Яхшилик ўзи нима?
Кўзларимни юлиб хаёлимдаги пирларимга мурожаат қиламан.
Яхшилик нима?
Яхшилик – сен юрагингдан бир парча узиб узатган нур.
Юракнинг яхшиликка айланган қисми янгиланади, яшаради…
Яхшилик – дунё сендан безиб қолган пайтда унинг кўзидан сизиб чиқадиган томчи…
Яхшилик – сен жуда кўп олган ва жуда оз тарқатган бойлик…

Буларнинг қайси гапига ишонса бўлади?

Исмат Хушев бирмунча муддат аввал:

"Мамадали Маҳмудовга ўхшаш фидойи ва истеъдодли ёзувчисини ҳибсда сақланиб қолишида бефарқ қараб турган бу Уюшма ва унинг раиси Абдулла Орипов бутун ўзбек халқининг чексиз қаҳру ғазабига муносибдир. Биз Абдулла Ориповнинг раҳматли Эмин Усмон ҳақида "Озодлик" радиосига берган интервюсида "Эмин Усмон ким ўзи? Биз уни танимаймиз", деган гапларини ҳали унутганимиз йўқ", -дейди Исмат Хушев.
Журналистнинг айтишича ўзини халқ ёзувчиси, халқ шоири деб юрганлар аллақачон бу Уюшмадан воз кечишлари керак эди. Чунки бу Уюшма ва унинг раиси Абдулла Ориповни ўзбек халқига хоинона муносабатда турганлиги Андижон фожесидан кейин янада яққолроқ намоён бўлди.

http://www.mediauz.ucoz.ru/news/2006-06-11-23

Исмат Хушев эндиликда:

Абдулла Орипов, истаймизми-йўқми, барибир буюк шоир. Мен ҳаётимнинг маълум бир даврида шундай истеъдодли ва донишманд одам билан ҳамсуҳбат бўлганимдан фахрланаман. Мен Абдулла акага олис Канададан туриб янги йилнинг қутлуғ муждаларини йўллар эканман, у кишига узоқ умр ва мустаҳкам соғлиқ тилаб қоламан.

Жаҳонгир МУҲАММАД: ҚАРАШЛАР

БАҲС

Баҳс – ҳурфикрлик маҳсули.
Баҳс – фикрсизлик маҳсули.
Баҳс – ўжарлик маҳсули.
Ҳурфикрли одамлар ҳақиқатни қидириб баҳс майдонига тушадилар.
Ҳурфкирли одамлар ҳақиқатни ҳимоя қилиб баҳс майдонига тушадилар.
Ҳар икки ҳолда ҳам ҳақиқат билан қоладилар майдонда.
Фикрсиз одамлар ҳақиқатни тан олмай баҳс майдонига кирадилар.
Фикрсиз одамлар ҳақиқатни билмай баҳс майдонига тушадилар.
Ҳар икки ҳолда ҳам ҳақиқат олдида лол қоладилар.
Ўжар одамлар ҳақиқатни билиб унга қарши майдонга отланадилар.
Ўжар одамлар ҳақиқатдан енгилиб ҳам майдондан чиқмайдилар.
Ҳар икки ҳолда ҳам ҳақиқат ожиз.

Каримов рус матбуотидан хафа

Ислом Каримов Москвада музокара бошлади

Фаррух Юсуфий

 

Қирғизистондаги воқеалар ривожи нафақат постсовет¸ балки халқаро ҳамжамият диққатида қолаëтган айни кунларда Кремл раҳбарлари билан учрашаëтган Тошкент раҳбаридан мезбон томон бироз ҳовурдан тушишни истамоқда.

Дмитрий Медведев Кремл раҳбарлигига келганидан бери Ислом Каримов Москвага биринчи марта расман таклиф қилинди.

Каримовнинг Москва сафарига оид аввалги лавҳамизда икки президент музокараларининг кун тартиби мавҳум қолаётгани ҳақида хабар қилган эдик.

Бишкекда тартиб ўрнатишга ҳарбий кучлар ишга солинди

Мели Қобулов: Тазйиқ остида қолдим

55-сонли Жиноят иши буйича 2010 йил 16 апрел Янгиобод туман судининг Раиси У.Жураевга

А Р И З А


РАД КИЛИШ ХАКИДА

Жиззах вилояти прокуратураси ва МХХ Жиззах вилояти бошқармаси ходимлари иштирокида 2009 йил 29 декабр куни ўтказилган тадбир жараёнида, “Жахонгир” адвокатлик бюроси адвокати Қобилов Мели Ўзбекистон Республикаси ЖК нинг 210-моддаси 3-қисми , 28-210-моддаси 3-кисми, 165-моддаси 2-кисми билан айбланувчилар Д. Қобилов ва Ғ. Мелиевларнинг жиноят иши бўйича «жабрланувчи» Ш. Муродовга рухий тазйиқ ўтказиб, ёлғон кўрсатув беришга мажбур қилиб, ўзи томондан тайёрлаб қўйган ариза матнини оқ қоғозда қўлида кўчираётган вақтда «жиноят устида ушланган» ва унга нисбатан Ўзбекистон Республикаси ЖК нинг 238-моддаси 2-қисми билан жиноий иш қўзгатилган.

Қирғизистонда яна тартибсизликлар

Каримов Москвага нима олиб келяпти?

Ислом  Каримовнинг Россияга  расмий ташрифи юзасидан маълумот қидириб, қатор ОАВлари ахборотлари билан танишдим.Қизиғи шундаки уларнинг аксариятида бир хил маънодаги сарлавҳаларни учратдим:"Каримов Москвага нима олиб келяпти?"
Сарлавҳага кўзим тушиши билан биринчи кўнглимга келган гап кинояли чиқди: Каримов Москвага Самарқанд нони олиб келяпган, ейсизлар йўғон-йўғон.

Жалолободда митинг

19 апрель, 2010 йил.Соат эрталабки 9:00.

Ҳозиргина олинган хабарларга кўра Жалолобод вилоят марказида Қурманбек Бақиев тарафдорларининг митинги бўлиб ўтмоқда.

СА-NEWS ахборот агентлиги эълон қилган фотосуратларда митингдан лавҳалар акс этган:

Митинг шиорларида "Бақиевга эркинлик!", "Биз Бақиев билан" сингари мазмундаги кўплаб чақириқларни ўқиш мумкин.

"Озодлик": Хўжандда никоҳ агентлиги очилди

Тожикистондаги никоҳ агентликлари вакиллари ёшларга умр йўлдоши топишда ёрдам бериш орқали жамиятдаги бу муаммони ҳал қилишга ўз ҳиссаларини қўшмоқчи бўлганларини айтмоқдалар.

19.04.2010

Aлишер

Тожикистонда ўз жуфтини топа олмаётган қизларнинг кўпаяётгани шу кунда жамиятнинг ўткир муаммосига айланган. Бу муаммони бир қадар ҳал қилиш мақсадида мамлакат шимолида ҳам никоҳ агентликлари пайдо бўла бошлади.

Жаҳонгир МУҲАММАД: ҚАРАШЛАР

МАВҲУМЛИК

Дунёнинг энг оғир юки мавҳумликдир.
Мавҳумлик ўлимданда, дарбадарликданда, етимликданда оғир. Ўлим – аниқлик.
Дарбадарликнинг ниҳояси бор.. Кимдир эшигини очади.
Етимликнинг иссиқ кунлари бўлади.
Бошингни силайдиган қўл топилади.
Мавҳумликнинг на сарҳади, на кўриниши, на эшиги ва на қўли бор.
Мавҳумлик ўзингни йўқотганингда …
Калла қолиб бошдан ажралганингда …
Қайиқ чўкиб кетиб, уммон ўртасида қолганингда ҳукмронликни бошлайди.

Христианлар исломий мамлакатда

Жаҳонгир Муҳаммад: Қарашлар

АРОСАТ

Аросат – яхши ва ёмон орасидаги илон йўли.
Аросат – аниқ ва ноаниқликнинг бели.
Аросат – бешик ва тобут ўртасидаги бўшлик.
Аросат – курашдан курашсизликка, курашсизликдан курашга қўйилган ҳолсиз қадам.
Аросат- ҳаммани ва ҳар кимни адаштирадиган жангалзор.
Яхши ва ёмон орасидаги илон йўлидан тез-тез ўтамиз. Гоҳида оёғимиз қаваради, гоҳида дилимиз эзилади. Гоҳида бу йўлни сезмай ҳам қоламиз.
Аросатни сезмаслик мумкин…

Нуқтаи назар

Абдураҳим Пўлат: Қирғизистон учун ҳам бугунги йўл – парламент-президент жумҳуриятидир

Қирғизистондаги ноқонуний Вақтли ҳукумат раҳбарлари ўз мамлакатларини парламент жумҳурятига айлантириш ниятларини очиқча айтмоқдалар.

Мен улар бу масалани жиддий ўйлаб кўрганларига ишонмайман. Улар Боқиевдан аламзада бўлишгани учунгина, у эгаллаб турган президент лавозимини йўқ қилиш ёки президентликни рамзий лавозимга айлантириш орзуси ичидалар. Ҳамма нарсани Боқиевга бўлган душманлик ҳисси асосида белгилаш хатодир.

Бакиев тарафдорлари Жалолободдаги маъмурий биноларни эгаллаганлар

Аёллар Қурманбек Бакиев истеъфосига ишонмасликларини айтишган

Қирғизистон жанубидаги Жалолобод шаҳрида четлатилган президент Қурманбек Бакиевнинг ўнлаб тарафдорлари вилоят ҳокимлиги ва маҳаллий телевидение биносини босиб олишган.

Мухбиримизга кўра, 15-апрел куни собиқ президент Қурманбек Бакиев хорижга йўл олгач, унинг она юрти Жалолободда ҳам вазият бир қадар юмшагандай туюлганди, аммо аҳвол яна чигаллашган.

Шайх Обидхон қори

“Бир қизни яхши кўрардим… унутишнинг йўли қандай?”

Савол: Мен бир қизни севардим, у менга насиб бўлмади. Шуни ўйлаб юрагим сиқилади. Шуни унутишнинг шаръий йўли қандай? Илтимос, кенгроқ жавоб берсангиз.
Асадиллоҳ.
Жавоб: Муҳаббат ҳақида оят ва ҳадисларда, уламолар ва донишмандларнинг сўзларида жуда кўп ибратли насиҳатлар ва маслаҳатлар бор. Исломда муҳаббат тушунчаси диндан узоқда бўлган одамлар ўйлайдиган муҳаббатдан кўра анча кенгроқ ва бойроқ маъноларни ўз ичига олади. Бу чуқур ва узоқ давом этадиган мавзулардан бири бўлгани боис, ҳозирча муҳаббат ҳақида қисқароқ сўз юритиш билан кифояланамиз.

Қулоққа мураббо қуйиб...

Ростини айтган билан одамлар яхши кўришмайди.Уларнинг қулоғига ёлғон бўлса ҳам мураббо қуйилгандай ширин сўзлар ёқади, дейишади кўпчилик.Ҳақиқатан ҳам шундайми?

Дарвоқе бу ҳақда гап бошлаганим боиси шундаки, апрел ойининг биринчи ҳафтаси охирги кунларидан бошлаб, Қирғизистонда давом этаётган воқеалар ривожи асосида тарқатилаётган хабарлар оқимидаги холисликлар ва менинг назаримда унча холис бўлмаган хабарлар хусусида мулоҳаза юритиш.